Plantun de Prouvènço

Pèr coumpara dos planto d'encò nostre

Rumex bucephalophorus & Pinus mugo subsp. mugo

Rumex bucephalophorus

Polygonaceae

Noms en français : Oseille tête-de-boeuf, Rumex tête-de-boeuf.

Descripcioun :
Vaqui uno eigreto de l'an de la pichoto meno que trachis dins li terraire safrous. L'enflourajado èi longarudo emé de fueio à la baso. Li flour soun groupado en verticillo de 2 à 4 flour, li pecou soun vira devers lou bas. La subsp. de prouvènço ié dison gallicus.

Usanço :
Dèu èstre manjadisso coume lis àutris eigreto, mai avèn pas d'entresigne segur pèr aquelo planto.

Port : Erbo
Taio : 5 à 30 (50) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Rumex
Famiho : Polygonaceae

Ordre : Caryophyllales

Coulour de la flour : Roujo
Petalo : 3
Ø (o loungour) flour : 0,5 mm
Flourido : Printèms - Estiéu

Sòu : Si
Autour basso e auto : 0 à 800 m
Aparado : Noun
Abriéu à setèmbre

Liò : Tepiero emé planto de l'an - Terraire safrous
Estànci : Termoumediterran à Mesoumediterran
Couroulougi : Mediterrano-Macarò
Ref. sc. : Rumex bucephalophorus L., 1753

Pin(-de-mountagno)

Pinus mugo subsp. mugo

Pinaceae

Noms en français : Pin de montagne, Pin couché.

Descripcioun :
Lou pin-de-mountagno, Pinus mugo subsp. mugo, rebalo au sòu e fai raramen mai de 2 m d'aut. Trachis dins quàuqui relarg secarous dis Aup Marino e dis Autis Aup souvènt sus li cresten. Se destrìo dóu pin-à-crouchet que justamen lis escaumo an quàsi ges de crouchet.

Usanço :
Li jóuini brout podon servi à faire de sirop e d'aigardent. Lou cor dóu bos servié à passa tèms de faire de tié (vèire à Pin-gavot) pèr s'esclara.